本地遊記連結：
|
|
其他遊記連結：
(2014.06) 終於放暑假啦！暫時唔駛每朝六點起身，我嘅心情比阿仔更興奮！今年六月份細佬佬剛滿兩歲，我哋決定試驗性質帶埋佢同婆婆一齊去旅行，揀咗沖繩做試點，貪佢夠近，又多嘢啱小朋友玩。
Day 1 - 到步 / OTS租車
忍唔住又要提吓機場嘅Plaza Premium Lounge，有某啲信用卡例如AE CX card同Citibank Premier Miles都可以入場。每個大人同六歲囝囝都要有卡，細仔兩歲就唔需要。我同老公加埋有四張有用嘅信用卡，於是四大一小享受咗個好豐富嘅lunch先上機。
Day 1 - 到步 / OTS租車
忍唔住又要提吓機場嘅Plaza Premium Lounge，有某啲信用卡例如AE CX card同Citibank Premier Miles都可以入場。每個大人同六歲囝囝都要有卡，細仔兩歲就唔需要。我同老公加埋有四張有用嘅信用卡，於是四大一小享受咗個好豐富嘅lunch先上機。
 |
Plaza Premium Lounge - 如果有適用嘅信用卡就真係唔好嘥!
|
第一日十二點幾上機，本來諗住飛沖繩咁近無乜所謂。後來先記起要預時間攞車，而且日本當地時間快一個鐘頭，所以如果租車嘅話都係早機好啲。
Check
point #1: OTS租車
一提沖繩租車，人人都會話OTS，因為佢哋似乎係同行最平嘅（其實我哋亦只係同Nippon-rent-a-car比較過)。到步後馬上有OTS講中文嘅同事接機，仲有安排巴士接送到15分鐘車程左右嘅事務所。我哋見到有Honda租車嘅人少好多而且車行近啲，唔知會唔會登記時間快啲。但OTS做到過程有如流水作業，好順利而且都好方便。
一提沖繩租車，人人都會話OTS，因為佢哋似乎係同行最平嘅（其實我哋亦只係同Nippon-rent-a-car比較過)。到步後馬上有OTS講中文嘅同事接機，仲有安排巴士接送到15分鐘車程左右嘅事務所。我哋見到有Honda租車嘅人少好多而且車行近啲，唔知會唔會登記時間快啲。但OTS做到過程有如流水作業，好順利而且都好方便。
朋友兩個月前喺OTS租車，話辦手續前嘅聽簡介用咗好耐。今次我一早打算同老公分頭行事，我聽簡介佢辦手續。點知可能係旺季安排，個職員好醒目咁喺巴士上已經講完個簡介（又：內容都有用嘅，最好要聽！）。於是，一落車我攞行李，老公就秒速走去櫃位，我哋十五分鐘左右就搞掂可以攞車啦！
另外，最後一日還車時Jobee留低咗自己嘅相機喺OTS嘅office，佢哋亦好幫手安排速遞送返香港（郵費當然自己比）。總之，整體嚟講我哋對OTS嘅服務好滿意，下次會再幫襯。
 |
| 攞車啦！係爸爸第一次租七人車揸！ |
Check
point #2：Kafuu
Resort Fuchaku Condo-Hotel
沖繩酒店嘅選擇就真係多到不得了。其實，有私人沙灘嘅酒店如Renaissance或ANA 會比較方便，但今次我哋有老有少五個人，想揾有兩房嘅單位，最後揀咗Kafuu Resort。如果對Kafuu有興趣，有一點值得留意嘅係Kafuu分咗Condo同Hotel兩邊。Condo只係租房，冇執房等酒店服務，但房價會平啲，有時agent都會quote Condo嘅價。爸爸話一定要有人執房，所以我哋自己上Kafuu嘅網頁book咗hotel嗰邊嘅房，而且可以清楚睇到間房嘅間格。
如果打算自駕遊，住島中心部位可以方便去唔同嘅地方。由那霸揸車到Kafuu Hotel（中部位置）約五十分鐘，由島中心到南或北嘅盡頭分別大約都係一個鐘頭左右。
|
 |
| 有「家」嘅感覺，露台可以睇到日落。 |
 |
| 酒店好family friendly，好多日用品都有得借，唔洗自己帶，連望遠鏡都有！ |
 |
| 第一晚，我哋出咗去覓食。酒店附近好多食肆，揀咗依間豚肉沖繩料理店，好味！ |
 |
| 之後仲喺便利店買咗包煙花，喺露台試玩！ |
Day 2 - 海中展望塔 / 万座毛 / 万座海灘 / Bios之丘
星期二會有颱風，但星期一天氣仍然好好，食早餐時天朗氣清。
本來計劃中第一日係先去水族館嘅，但因為天氣報告話明聽日將會有超強颱風，所以我哋決定襯好天去咗海灘先。第一站Busena Marine Park有海中展望塔同埋玻璃船，可以唔濕身都睇到魚。點知，因為颱風迫近，玻璃底船已經停航，我哋只可以去海中展望塔。
 |
| 每小時有三班shuttle bus由售票處往返展望塔，落車時記得睇時間，否則起碼要行10-15分鐘。 |
 |
| 海中展望塔喺1970年建成，1997年改修，都仲好有睇頭㗎！ |
 |
| 美麗嘅海底世界 |
 |
| 睇完海底，喺海面仲可以餵魚。 |
 |
| 旁邊就有沙灘，本來諗住玩下，但啲沙拮腳到簡直行刑咁，所以決定轉移陣地。 |
本來靚沙灘嘅選擇好多，但因為怕好快會落雨，所以盡量唔去太遠。我哋決定去ANA Intercontinental Hotel內嘅万座海灘。
万座海灘旁邊就係景點万座毛，亦即係著名嘅象鼻型山涯峭壁。因為順路所以我哋決定停一停。據說，之所以叫「万座毛」，係因為琉球王朝時代曾評價此地能供萬人坐下，而「毛」即原野嘅意思。
万座海灘旁邊就係景點万座毛，亦即係著名嘅象鼻型山涯峭壁。因為順路所以我哋決定停一停。據說，之所以叫「万座毛」，係因為琉球王朝時代曾評價此地能供萬人坐下，而「毛」即原野嘅意思。
 |
| 細佬佬比啲風吹得好興奮！ |
Check
point #5：万座海灘
(ANA Manza Beach Hotel沖縄県国頭郡恩納村瀬良垣2260 TEL. 098-966-1211 www.anaintercontinental-manza.jp/leisure/leisure.html )
(ANA Manza Beach Hotel沖縄県国頭郡恩納村瀬良垣2260 TEL. 098-966-1211 www.anaintercontinental-manza.jp/leisure/leisure.html )
離開万座毛，我哋把握時間去旁邊嘅万座海灘啦！沖繩雖然好多海灘由酒店管理，但海岸係公用嘅，所以政府規定酒店必須開放海灘，但個別酒店可能會就設施收費。行到落沙灘，發現一個人都冇。原來因為準備颱風來臨，海灘已經關閉。我哋話唔會游水，只係想比小朋友玩沙，個哥哥好好人比Jobee玩，於是我哋居然包場！
 |
| 海灘幾靚，雖然啲沙都有碎石，但質地比頭先嘅幼細好多。 |
 |
| 哥哥玩到不亦樂乎，但細佬居然驚沙唔敢落地！ |
玩咗約45分鐘，工作人員話真係要清場啦，於是我哋喺酒店更衣室沖身再離開。沿途比一間打住"自家製麵"旗號嘅Nakamura Soba店吸引咗入去。
 |
| 用機order，Jobee覺得好新奇。啲麵好食，但爸爸叫咗大portion，太多啦！ |
Check
point #6：Biosの丘
成三點先食完lunch，我哋攰攰哋毫無時間概念返咗酒店hea。想去多一個景點，但又會唔會因為颱風而提早關門呢？接近四點半，我哋見到Bios之丘開到六點，最後入場係五點，離酒店只係10分鐘車程，決定試一試。
不過，因為六點關門，冇時間再深入睇其他庭院。Bios之丘基本上係一個唔錯嘅戶外親子地方，可花上1-2個鐘頭。
然後，由於尋晚覓食經驗唔錯，我哋決定再試多次。今晚本來想食豚肉火煱，但颱風前夕原來要揾到食肆真係唔容易。
Day 3 - 與超強颱風近距離接觸
因為颱風迫近，我哋都知道今日只好留守酒店，但意料之外嘅係，無諗過居然出唔到門口！ 一早起身，正準備到樓下食早餐，但因為風太大，而我哋間房又同電梯有一段距離，根本落唔到樓食早餐。
(沖縄県うるま市石川嘉手苅961-30 TEL.
098-965-3400 www.bios-hill.co.jp )
成三點先食完lunch，我哋攰攰哋毫無時間概念返咗酒店hea。想去多一個景點，但又會唔會因為颱風而提早關門呢？接近四點半，我哋見到Bios之丘開到六點，最後入場係五點，離酒店只係10分鐘車程，決定試一試。
 |
| 到步時間係4點50分，我哋又再次包場。 |
 |
| 工作人員非常專業，仲主動同我哋影相。遊覽船途經嘅樹林都幾靚，而且中途嘅歌舞表演亦做到足。 |
 |
| 之後我哋去咗一塊大草地玩各類簡單遊戲。 |
 |
| 到離開前又發現一個小温室，有小型許願樹，但好多蚊，我同Jobee都中晒招！ |
 |
| 再返到酒店，颱風前夕嘅天空依然美麗。 |
然後，由於尋晚覓食經驗唔錯，我哋決定再試多次。今晚本來想食豚肉火煱，但颱風前夕原來要揾到食肆真係唔容易。
 |
| 本來見到依間牛豚合戰幾靚，但佢哋因為颱風正準備關門大吉。另外依間據說係梁詠琪推介嘅更加要等位最少40分鐘以上。 |
 |
| 最後，只好又食沖繩料理⋯ 悶就悶啲，不過都ok啦！ |
Day 3 - 與超強颱風近距離接觸
因為颱風迫近，我哋都知道今日只好留守酒店，但意料之外嘅係，無諗過居然出唔到門口！ 一早起身，正準備到樓下食早餐，但因為風太大，而我哋間房又同電梯有一段距離，根本落唔到樓食早餐。
 |
| 於是，酒店職員冒住風雨送咗五份便當比我哋，份量好大，仲每份都附沙律！ |
 |
| 海上嘅浪越嚟越大，8號颱風下，沖繩多處地方出現水浸，而且有仲有傷亡。 |
 |
| 足不出戶，唯有喺屋入面揾嘢玩啦！Jobee設計咗個treasure hunt比我同爸爸玩，我哋仲放定晴天公仔希望第二日好天... |
 |
| 講開又講，日本嘅雪糕口味真多，以上嘅味我依兩日已經全部試過，嘻嘻！ |
 |
| 食物普普通通啦，不過颱風唔計較得咁多。 |
 |
| 晚飯後，大家都唔想上房，於是又去咗三仔爺最喜愛嘅... 便利店。 |
冲涼嘅時候都有件趣事。因為個浴缸比較深，放咗水之後去到細佬佬個膊頭位。冲完後哥哥想繼續玩水，我哋問細佬仲想唔想玩。個儍豬一邊話「想」一邊好大力咁點頭，點知一點頭就飲咗一大啖水，仲咳到死死吓，陰公豬呀！
 |
| 玩緊水嘅兩兄弟，仲有全世界瞓晒後我同老公嘅心靈食糧。 |
Day 4 - 名護鳳梨園 / 百年古家 大家 / 沖繩美ら海水族館 / 琉球の牛
第四日，最後一個full day啦，早餐後我哋馬不停蹄地趕上路，本來打算先去著名嘅水族館。但同老人家同遊又發現行程真係唔可以太緊密，開車冇耐婆婆心口覺悶，於是我哋停咗喺一間好local嘅超市。嘩！原來入面好大，雖然舊舊地但應有盡有。
 |
| 兩兄弟其實去邊都冇所謂，一樣咁開心！ |
 |
| 北上嘅Expressway封咗，倒樹處處，有工作人員清理緊。 |
 |
| 冇得行高速公路，我哋唯有行另一條路，途經一啲平民舊區。 |
Check point #7：名護鳳梨園（菠蘿園 – Nago Pineapple Park）
(沖縄県名護市為又1195 TEL. 098-053-3659 http://www.nagopain.com/ )
行咗一個鐘頭多啲，終於到逹名䕶。見冇落雨，我哋諗諗吓應該去咗另一個計劃嘅景點水果王國（Fruits Land）先。
 |
| 到咗Fruits Land門口，發現居然冇開門，好失望呀！ |
 |
| 好彩，正正隔離就係菠蘿園，都係水果啫，雖然細啲都頂住先啦！ |
 |
| 其實，菠蘿園就只係有部無人駕駛嘅菠蘿車帶你遊一個圈。 |
 |
| 另外，手信區好多嘢試食，仲有一個貝殼館都幾特別（雖然同菠蘿冇也關係）！ |
**另：其實水果王國同菠蘿園附近仲有「名護自然動植物公園」 (http://www.neopark.co.jp/)，不過我哋冇時間去啦！
Check point #8：百年古家 大家
(沖縄県名護市中山90 TEL. 0980-53-0280 http://www.ufuya.com/ )
Check point #8：百年古家 大家
(沖縄県名護市中山90 TEL. 0980-53-0280 http://www.ufuya.com/ )
又係食lunch時間啦，今次去咗「百年古家 大家」，因為旅遊書同好多人嘅blog都有介紹過。 「大家」其實係一間老字號嘅食店，食物都唔錯，但選擇唔多，主要係食環境。
 |
| 車要行得好入，建議自駕遊先好去。 |
 |
| 外面有啲小賣部，仲有Blue Seal雪糕檔添！ |
 |
| 經過古色古香嘅庭園先嚟到餐廳。 |
 |
| 我就係為咗依個小橋流水而想嚟依度，感覺好舒服呀！食物選擇唔多但都有水準！ |
 |
| 見到隻蝸牛，我哋啲都市人，個個都影一餐！ |
終於到重點節目水族館啦！見到朋友嘅blog話7號停車場係最近入口嘅，所以我哋二話不說就入咗7號場。
 |
| 去到門口位置望落海，仍然都好大浪！ |
 |
| Jobee話可以摸海嵾同海星係最難忘嘅回憶，而細佬就同依條獅子魚對望咗好耐！ |
 |
| 美麗嘅海底世界。 |
 |
| 其他得意玩意。 |
 |
| 最震撼當然係依個「黑潮之海」: 全球第二大嘅嘅深海魚缸panel。2002年建成時曾經係全球最大嘅，但後來比杜拜取代咗。 |
 |
| 我們個人就好鍾意依啲笑微微嘅魔鬼魚喇。 |
行完水族館，最美中不足嘅係旁邊嘅植物園因為受颱風破壞而閉館。依個植物園好靚㗎！本來婆婆係花痴，我好想帶佢去睇，不過冇辦法啦...
 |
| 植物園冇開，唯有睇住相先啦！ |
好消息！收到琉球之牛嘅email話今晚六點半有枱，但留檯只係15分鐘。因為冇得行高速公路，又驚塞車，事不宜遲，我哋即刻火速上車！
 |
| 花咗一個鐘頭有多先返到恩納，到餐廳時係6:50pm，好彩佢哋仲肯比張檯我哋。 |
咁緊張想食係因為有位牛魔王朋友極力推介，本來坐落見好多香港人有啲懷疑，但食落第一啖牛肩肉就知道果然冇介紹錯。大部份嘅肉類分三種價格，我哋覺得叫中間嗰級已經夠靚，有兩款肉叫咗最貴嗰種反而太肥太滯。
 |
| 四個人加一個兩歲BB（細佬都食得唔少），以牛肉嘅quality嚟計，埋單嘅價錢比香港平好多，所以總括嚟講價性比極高！ |
 |
| 飯後我哋喺停車場玩埋第一日買嘅煙花。提提玩煙花最好係冇風嘅晚上，是晚好大風，爸爸差啲燒到手！ |
Day 5 - 那霸國際通
第五日，係最後一日啦…… 應該話，係最後半日…… 偏偏又好好天，令人更唔捨得！
望出窗外，個海比起尋日已經靚返好多。尋日颱風之後周圍泥水泛濫，但可以見到日本嘅排水措施做得好好，泥黃色嘅水好清晰分明咁沿住有系統嘅渠道排出大海。不出一日，本來水浸嘅地方已經冇事。
 |
| 從相中可以比較到颱風前後嘅情況，1)颱風前一日；2)颱風後一日；3)颱風後兩日 |
 |
| 出到大路，點知Expressway仍未解封? 好彩，原來只係封咗一小段，下一個入口就入得返啦！ |
今日嘅行程其實無乜特別，只係去那霸國際通行吓，順便買啲手信。Mark咗以下嘅地方但冇去晒:
暖暮拉麵
(沖縄県那覇市牧志2-16-10 1F TEL. 098-863-8331)
(沖縄県那覇市牧志2-16-10 1F TEL. 098-863-8331)
竹炭炉端 たけすみ
(沖縄県那覇市久茂地3-16-19 エス TEL. 098-988-8159 r.gnavi.co.jp/fcnw2jub0000)
御菓子御殿 (沖縄県那覇市久茂地3-16-19 エス TEL. 098-988-8159 r.gnavi.co.jp/fcnw2jub0000)
(沖縄県那覇市松尾1-2-5 2F TEL. 098-862-0334 www.okashigoten.co.jp )
 |
| 喺御菓子御殿試咗著名嘅紅薯撻，我就麻麻地鍾意，不過都有買！ |
 |
| 鹽屋 - 我之前已經想嚟架啦，試咗好多鹽之後，又試埋雪糕，成個口咸晒，哈哈！ |
行到差唔多一點，又要覓食啦。我哋隨意經過依間健康食店 (Wadayasai)，諗住試吓啦，點知原來好有驚喜！
 |
| 因為太好食，開頭唔記得影相，唯有最後補返兩張。 |
小店比人嘅感覺好平民化，但每一樣食物都煮得恰到好處。素咖哩令我食完一碗飯再添飯；漬物好清新；冬瓜肉丸啲瓜好甜，肉又新鮮；甜酸雞嫩滑惹味，細佬食唔停口。自助型式，大人1000円，小學生750円，細佬兩歲唔駛錢，又係價性比極高！
喺一條可以招來walk-in客嘅大街上，租金可以令平民小店生存到，真係好…… 香港到處都只有連鎖店，諗起都又悶又厭！
到機場後，班飛機delay咗差唔多個半鐘。兩個小朋友跑來跑去不亦樂乎。其實，「旅行」一詞可能只係喺大人嘅世界存在。到目前為止Jobee最鐘意都係玩bath tub，就算打風嗰日兩兄弟一樣好開心。擁有純真嘅快樂，無論身處邊度都冇分別。
 | ||||||
| 我的快樂孖寶。 |
 |
| 臨行前嘅最後驚喜: Blue Seal mango + hibiscus 軟雪糕，兩隻味好夾！ |
老公唔鍾意長途機，細佬又坐唔定，短途又好玩嘅地方我必會細心研究。沖繩有陽光海灘，又有好多有趣嘅景點，個人認為適合任何年齡人士。今次個trip太短咗啲，下一次再嚟，我希望可以帶小朋友認識一吓琉球歷史、首里城，以及戰爭應該為我哋帶嚟點樣嘅思考。
以下係OTS提供嘅沖繩熱門景點及mapcode，可作參考:
沒有留言:
張貼留言