2018年8月11日 星期六

【週末小旅行6】愉景灣2日1夜海天一色之旅

Link to 梨子總目錄

Link to 雅榆之隨筆

我們的遊記:

我們的成長

【墨西哥Cancun54夜古城之旅

【加拿大溫哥華】65夜老少咸宜之旅

【加拿大渥太華】43夜冬日之旅

【加拿大Niagara32夜瀑布之旅

【西九州自駕遊】福岡、天草、阿蘇87夜盛夏之旅 ()

【台灣西岸自駕遊】高雄至桃園77夜南北之旅 ()

【峴港自由行】43夜老吾老之旅

學海無涯之三】脫變

學海無涯之二45

釋懷

學海無涯之一不一樣的一年

驪歌~失落的紫荊花

讀後感【張純如: 無法遺忘歷史的女子】

【小學路之八】學海無涯

【小學路之七】最後的淨土

【四十歲人學單車記】Never too late

[More…]

[More…]




(2018.6) 眨吓眼佬佬就六歲啦,真係好唔捨得!😭 本來諗好唔好辦個一千零一次生日會呢?但老公認為唔划算,成功地用一個香港週末旅行誘惑咗佬佬。哈哈,所以六月份又去一次香港酒店遊。

因為夏天已靜悄悄地來臨,我決定再住海灘附近,今次揀咗一直想去嘅愉景灣酒店: Auberge Discovery Bay Hong Kong。
雖然愉景灣車唔入得,但原來的士可以去到酒店門口。
大堂都幾舒服。
入房了,好興奮!一大床再加床,都幾闊落。
因為近海,特別要咗海景房,果然好心曠神怡!
酒店後面就有幾間餐廳,我哋好快就揀咗依間MooFish醫肚。
冷氣好弱,待應做到一頭汗。食客就冇所謂啦,小朋友好認真睇餐牌。
食物都ok,唔錯!
食完嘢出嚟行吓浪漫嘅教堂。
另一邊嘅商場街頭,都幾有渡假氣氛。
仲見到馬車經過。
然後就返房換泳衣準備游水了。未出門口床上大戰已經超開心。
窗外景色真係好舒服
到泳池了!
原來今日都幾凍,而且泳池都幾深,於是爸爸去咗買水泡同波波比佬佬。
有條步道,就可以猜樓梯啦!
游咗一陣開始凍喇,於是上房hea吓。
三仔爺都係小朋友,咁當然要去遊戲室睇吓啦!
雖然係好大有嘢玩。
唔知點解小朋友喺大堂玩樓梯都開心佢哋話係探險喎
如果要去白沙灣,巴士站就喺酒店正門出少少。車程約十分鐘。
白沙灣雖然唔算係水清沙幼但好適合一家大細
而且沙灘上有遊戲設施,好少有。
搵嘢食之前Bookazine,好啦,份生日禮物比佬佬。
晚餐 左揀右揀,決定食韓燒!
見佬佬生日,咁爸爸媽咪就飲杯啦!😆🍶 可憐嘅佬佬又比爸爸搓圓㩒扁!
返酒店前,例牌又要去7-11走一轉。

晚上 有人玩啤牌、有人睇電視、有人瞓著覺......
第二朝早起身啦,天氣好好喎。佬佬居然乖到幫爸爸揼骨!
早餐 食物好普通而且人頭湧湧。
Pancake機幾得意,不過好慢。成分鐘先出一塊,仲有人一次整十塊八塊!所以其實我成日覺得香港人話大陸人無公德心只係五十步笑百步。
兩兄弟幾時都咁幸福滿瀉... 💕
食完早餐又周圍行吓。

本來想出嚟空地玩沙灘波,但今日實在太熱啦!
本來又想租單車踩,但原來只可以喺外面馬路踩,感覺有啲危險。

於是,我哋決定再游水。今日嘅天氣比尋日好好多,實在又係好適合游水嘅。
同陽光玩遊戲!
Pool side lunch 叫咗兩個pizza同水果都唔夠食,最後爸爸去超級市場買壽司。
好輕鬆愜意嘅一個Sunday afternoon ...


事後回顧:如果要陽光海灘小旅行,我哋全家一認為黃金海岸酒店(見遊記)比愉景灣酒店更適合一家大細。前者雖然硬件冇咁靚,但勝在夠方便,沙灘行兩步就到,playroom又大又好玩。愉景灣酒店就比較適合浪漫情侶渡週末,過吓啲海景靚房兩小口日子。
又大一歲嘅佬佬......
早前睇到一篇文章話,父母同小朋友之間其實只有十八個暑假。有小小感慨之餘,都要教自己正面去面對。總有一日我將會懷兩個小鬼嘅搞搞震冇時停而依一刻我又絕對珍惜屋企充滿住既可愛又頑皮嘅超高頻笑聲。一家人只要一齊開開心心,原來真係唔需要生日會。