【小兒科行山入門6】河背水塘家樂徑

Link to 梨子總目錄

Link to 雅榆之隨筆

我們的遊記：	我們的成長：
【美國Miami自駕遊】5日4夜南國之旅 【墨西哥Cancun】5日4夜古城之旅 【加拿大溫哥華】6日5夜老少咸宜之旅 【加拿大渥太華】4日3夜冬日之旅 【加拿大Niagara】3日2夜瀑布之旅 【西九州自駕遊】福岡、天草、阿蘇8日7夜盛夏之旅 (上) 【台灣西岸自駕遊】高雄至桃園7日7夜南北之旅 (上)	【學海無涯之三】脫變 【學海無涯之二】45 釋懷 【學海無涯之一】不一樣的一年 驪歌～失落的紫荊花 【小學路之八】學海無涯 【小學路之七】最後的淨土 【四十歲人學單車記】Never too late！
[More…]	[More…]

河背水塘家樂徑

交通及簡介：http://hiking.gov.hk/chi/trail_list/family_walk/Ho_Pui_Family_Walk/introduction.htm

難度：1星

時間：由河背村上水塘約半小時 + 繞水塘一週約45分鐘

長度：約1公里

（2017.12）有靚景、有竹林、容易行，我認為河背水塘好適合初級行山者。今日我哋一行八大六小，行山再加埋除夕燒烤，可謂盡慶而歸。

首先約喺河背村鄉公所會合，依度有收費停車場。又或者坐元朗71號専線小巴亦可。

要先行一段路上山，約半個鐘頭，可以話係先苦後甜，因為條路有少少斜，仲居然見到條死蛇！

幾位男士（包括Jobee)，幫手推BB車，證明條路幾咁適合親子！😆

上到半山，開始見到元朗風景，好開揚，令人心曠神怡。

經過依個露營地，轉右繼續往上行，然後會見到一個有機農場。

終於到達河背水塘！依度嘅好處係一嚟就先有靚景睇。

河背水塘嘅一大特點就中間嘅灌木小島，令綠色嘅樹木更有層次感。

望向水壩，景色都好靚。可能因為風景秀麗，大家有小小溜連忘返，唔覺意間就不停影相。

過咗長橋，就嚟到河背水塘家樂徑嘅正式起點。

山徑嘅路冇鋪石屎，鍾唔鍾意就見人見智，我個人覺得咁更有行山路feel，當然對鞋又會污糟啲......

小朋友輪住幫我揹背囊真係好喇！

小橋、流水、植物...... 有一個對住靚景嘅古墓，我哋唔好意思打搞。

到咗竹林，嘩，小朋友即刻變咗古代人，好似有武功上身咁舞力弄劍，拾起地下嘅竹嚟玩。

到今日Jobee仍然不時提起想去竹林，咁個感覺又真係幾舒服嘅。

過咗竹林繼續行，居然又影到兩張靚相。

然後又比我哋發現咗個靚景位，大家都紛紛走落去望吓先。

由依個角度影湖面平靜如鏡，感覺超治癒！

大合照時間，小朋友同大朋友各一張！😆

再行一陣，爬吓石頭，又再次見到水塘景。

原來已經到尾聲了！我哋到咗家樂徑嘅出口，大家坐低休息吓。

然後又忍唔住再去水壩條橋欣賞吓美景。依幾位小朋友仍然未分高下。

再行返落河背村要半個鐘左右，如果由落車開始計，成個過程唔洗兩個鐘頭，好適合初級親子行山。

落山啦，Jobee將佢嘅綠竹寶劍收埋咗喺依度，話要下次返嚟搵返喎。

當晚去咗一間個名好靚，叫「海天一色」嘅燒烤場。雖然並冇海景，但仍然有除夕嘅夜空，哈哈！

食物唔錯！居然可以直踩五小時燒嘢食，我覺得大家真係好勁！

再見了2017！

有咗小朋友之後，每一年都過得好快，我心入面明白，依種陪住孩子上山下海玩遊戲嘅時候其實唔係好長。然後，我又不斷提醒自己，孩子成長亦係自己成長。老土地講句，學會珍惜日子。幸福，好難得，但又可以好簡單。