Link to 梨子總目錄
【四十歲人學單車記】Never too late！今天想吃咖哩飯...消失中的味道告別野村，重新上路坐月子讓我明白：我是媽媽的公主 |
|||
[More…] |
(2013.11) 由於細B只係得歲幾，仲未方便帶埋一齊外遊，2013年我繼十月中同爸爸、Jobee去咗北京後，十月底我又同婆婆去咗一次首爾賞楓之旅。同老人家去自由行，老公又唔喺身邊，而且又去一個新地方，都有壓力㗎！不過計落今次其實係第三次嚟首爾啦，但之前兩次都係工幹，冇乜機會去玩，所以對我嚟講仍然都係好緊張！
Day 1
第一日早機飛首爾嘅時間都唔錯，由於係同媽咪飛，我選擇奢侈一吓，用咗僅餘嘅Asia miles換咗兩張商務艙機票。我同老公都有個共識，就係商務艙一定唔會帶小朋友坐，有啲享受要佢哋自食其力賺返嚟先有價值嘅。
 |
| 我最喜愛嘅CX signature drinks。 |
到步後，我馬不停蹄，第一時間去咗換錢，然後又把握時間去到櫃位買票搭機場巴士，驚住錯過班次。結果，好容易就買到喇，每位W16,000，而且指示都好清晰，同日本嘅airport limousine差唔多。
 |
| 部車要行成個鐘，可以休息吓先…… |
今次本來想搵吓靚啲同特別啲嘅酒店。但問過朋友意見都係住中心地帶好啲，而我之前就感覺樂天都真係好方便，所以還完基本步，都係揀咗住佢。
因為第一日check-in過後已經四點幾，我只係同母親大人行吓樓下嘅百貨公司。樂天酒店樓下就正正已經係樂天百貨，好方便。當年樂天百貨上市時，小妹就曾經有幸參與上市項目，所以到今日對依個名稱都有啲親切感。
 |
| 已經揀咗新裝修嘅樓層，房間四正，冇乜特別。 |
 |
| 超市隨意留影…… |
到晚飯時間，由於我嘅媽媽都可謂要求多多，不能辣又不好肉，所以我今次嘅韓國之旅係冇燒肉行程嘅。見兩母女都行得好攰，就貪方便上咗酒店嘅中餐廳。坐落後見到一個人都冇，打開餐牌發現價錢果然唔講得笑，大約係香港酒店嘅兩倍左右！以一個炒菜為例，香港酒店可能收港幣$150-200，而依度居然可以收折港幣$350-400一碟！
結果，兩個人叫咗啲簡單小菜，買單約一千港幣，但味道就非常普通啦……
 |
| 環境一流，但味道唔地道嘅中餐，感覺有啲「雜碎」! |
Day 2 - Seoul Forest - Leeum Samsung Museum of Art
Check point #2: 首爾森林公園 Seoul Forest
第二日早餐後，首輪嘅紅葉之行我決定去位於東區聖水洞街嘅 「首爾森林」 (Seoul Forest http://parks.seoul.go.kr/eng/ )。好奇怪點解依個鬧市嘅綠洲好似冇乜旅遊書介紹，反而係一位住香港嘅韓國朋友話我知佢每次同囝囝返首爾都必去。
由酒店坐的士去首爾森林公園大約15分鐘左右。一去到門口，見到一班學生入咗去似乎係學校活動，忽然感覺同大自然好親近。婆婆雖然用儍瓜機，卻係「龍友」一名，係公園內左影右影，不亦樂乎。
 |
| 兩母女影張「合照」先！婆婆做咩遮住咗自己呀！ |
公園嘅中心草地位置放滿藝術雕塑，好多都幾有意思架！
 |
| "Walking Together" "Hand in Hand" "Books" |
 |
| 鏡湖 哲學者之道 |
 |
| 紅葉靚景隨處可見。 |
 |
| 未轉色嘅綠樹都好靚！ |
 |
| 韓國人有一樣嘢幾識享受，就係公園內到處有好多大大小小嘅矮榻，比人喺上面悠閒地睇書食嘢，真係人生一大樂事！ |
 |
| 公園內養咗好多梅花鹿，可以買糧餵鹿，依度其實都好適合小朋友嚟架！但啲鹿就係網住嘅，唔似日本奈良走來走去嗰啲咁激！ |
 |
| 另外，園內嘅蝴蝶館同昆蟲館都值得去行個圈。尤其係蝴蝶館，一入內櫃檯上就有四、五隻蝴蝶同一條毛毛蟲，完全唔驚人，可以近距離接觸。 |
Check point #3: Grand Hyatt Seoul Hotel
公園嘅湖心有一間食輕食嘅小餐廳，但望落唔係好吸引，所以我都係按原定計劃，同媽咪去high tea吓。好好彩一出門口就有的士，司機又一睇地址就明白，好醒目！今次去咗喺龍山區嘅Grand Hyatt，因為佢同我哋下一個目的地「三星美術館」好近。以前出差首爾曾經住過一次依度，我覺得佢啲房舊咗啲，但大堂嘅感覺好warm。
 |
| 下午lounge有人彈鋼琴，真係好舒服。 |
Check point #4: Leeum Samsung Museum of Art
食完下午茶，我去concierge問吓點行去美術館先！嘩，好彩有問，個姐姐啲英文好好，仲比埋張畫有好清楚指示嘅地圖我哋！果然，行十分鐘左右就到啦！
 |
| 場外嘅大型展品會不時更換。 |
Leeum Samsung Museum of Art - 龍山區漢南洞747-18（地鐵6號線漢江鎮站1號出口往梨泰院方向）leeum.samsungfoundation.org
美術館有分古代美術同現代創作嘅部份，據說係三星集團嘅私人美術館，由三位國際級建築大師設計，都幾有睇頭架！
館內不能拍攝，實在係好事！除咗保護文物之外，亦可以專心欣賞。因為人流唔多，所以行得幾舒服。個人覺得依個景點對大人嚟講唔錯，但小朋友就可能覺悶，尤其古代部份燈光昏暗，有少許催眠。
館內不能拍攝，實在係好事！除咗保護文物之外，亦可以專心欣賞。因為人流唔多，所以行得幾舒服。個人覺得依個景點對大人嚟講唔錯，但小朋友就可能覺悶，尤其古代部份燈光昏暗，有少許催眠。
離開美術館時已經接近傍晚，返到酒店休息一吓，我哋決定今晚去附近行吓。沿住酒店大門一出就係明洞街，琳瑯滿目，有嘢食又有嘢睇，就連經過嘅警局都好得意！
 |
| 跟住旅遊書，我哋去咗食牛骨湯飯，又抵食又好味！ |
Day 3 - 土俗村蔘雞湯 - 景福宮
一早起身，第一眼就見到媽咪喺窗邊寫日記。因為怕我醒，所以唔開燈。今朝我冇訂酒店早餐，因為一早計劃好同媽咪去食個豐富嘅人蔘雞做"brunch"。
 |
我的文人母親，文雅又體貼！ |
聽講依間「土俗村人蔘雞」都幾出名，長期都有人排隊。我哋十點半左右到，已經有人，但可以即時入坐。(土俗村蔘雞湯 鍾路區紫霞門路5巷5(體府洞) 02-737-7444)
 |
| 叫咗人蔘雞同海鮮煎餅，兩樣都好味，不過個餅份量太大食唔晒…… |
Check point #6: 首爾景福宮
離開土俗村，行五分鐘左右就到咗今次旅程嘅另一重點: 景福宮。(161 Sajik-ro, Jongno-gu. www.royalpalace.go.kr)
景福宮，係一個平凡兒生於富裕家庭。好多細節反映出當年朝鮮嘅國力與中國差天共地，例如殿與殿之間好多泥地，並未發達到處處有地磚；又或者後宮家具都未見奢華。
但係，朝國人將一草一木都保養得好好。而景福宮亦連接住國立故宮博物館，同民俗博物館，將歷史遺跡、文物、同民族史有系統咁展示出嚟。所以，真正嘅「保育」，應該要包括保護文物同教育下一代，並唔係隨意整個櫃位收錢咁簡單。
 |
景福宮後面直通國立民俗博物館, 仲有好多比小朋友睇嘅復古埸景! |
 |
| 婆婆已經太攰唔想行民俗館，之後我哋坐低飲杯茶，婆婆又發揮大文豪本色啦！ |
休息咗一陣，我決定按地圖嘅路線想行去昌德宮。(99, Yulgok-ro, Jongno-gu. www.cdg.go.kr/). 昌德宮係賞紅葉嘅熱門地方，亦被列為世界文化遺產。景福宮曾經發生大火被焚毀後，皇帝就以昌德宮為正宮。
 |
| 以上係我用咗旅遊書三頁拼合出嚟嘅地圖。 |
但係，原來我真係太粗心，始終過高估計咗七十歲老人家嘅體力。行到安國站附近嘅大街時，婆婆忽然等低坐咗喺路旁嘅長凳上話:「好攰呀！仲有幾耐呀？」
原來佢已經冇力啦…… 我話不如坐一陣，但佢話如果依家唔行坐得耐更加唔想行，於是佢又繼續起身行，果然好有韌力！
再行咗五分鐘左右，終於到啦！
……但係…… 居然關咗門！
前兩日先係網站上睇過休息時間，依家居然改咗？
終於明白，去皇宮前最好再打電話check一次，我亦曾經喺其他人嘅遊記內睇過有去到宮殿摸門釘嘅經歷，可能係因為開放時間會不時改變。
 |
| 望住關咗門嘅昌德宮，睇見都心傷！ |
我六神無主，反而攰到無晒力嘅婆婆，依個時候雖然行唔郁，但個頭腦又幾精靈。佢問我聽日幾點機同幾點開門，計落原來真係聽朝嚟都仲得！
於是，我哋今日早咗返酒店，又到Lotte超市掃咗好多本來諗住聽朝先買嘅手信。
 |
| 泡菜一排排好吸引，我忍唔住買咗好多比老公。 |
因為又攰又唔係好想再食韓食，最後居然又喺酒店嘅日本餐廳搞掂，烏冬真係好好食，但折港幣又成三百幾蚊一客，好離譜呀！結論係，樂天酒店內嘅餐廳... 真係食唔過！
 |
| 晚飯後，我哋出去四圍影燈飾。 |
Day 4 - 昌德宮
Check point #7: 首爾昌德宮
一早起身，早餐過後，我哋準時九點前到昌德宮。買飛嘅時候記得順便買埋秘苑(Secret Garden)嘅入場票，因為秘苑係紅葉比較多同比較集中嘅地方。值得一提嘅係秘苑門票一定跟tour，但時間好疏落而且分英、日、韓文。其實唔需要介意咩語言，因為到入面好大，大部份人都唔會慢慢跟導遊行。
 |
| 昌德宮嘅宮殿名稱同景福宮有啲相似，但設計比較新，可以睇到時代係進步中。 |
 |
| 秘苑嘅紅葉較集中，但美中不足係好多池塘可以打理得好啲。都仍然可以想像一吓當年著住雍雅大娃娃裙嘅後宮妃嬪就曾經喺度留下倩影…… |
 |
| 有好多楓葉仍在努力變色中…… |
終於入到昌德宮秘苑，可算係今次旅程一個圓滿嘅終結。今次我與家母嘅韓國之旅，相信同好多一般嘅首爾自由行唔同，冇shopping血拼，亦冇大飲大食。但同媽咪一齊置身異地盲摸摸嘅感覺好特別又好溫馨。
由於時間關係，另一啲我想去但比較遠嘅地方如南怡島或小法國村我哋都未曾遊訪，以下都留低資料希望下次再有機會啦！
南怡島 (http://big5chinese.visitkorea.or.kr/cht/SI/SI_CH_2_1_1_1.jsp?cid=332463)
由於時間關係，另一啲我想去但比較遠嘅地方如南怡島或小法國村我哋都未曾遊訪，以下都留低資料希望下次再有機會啦！
南怡島 (http://big5chinese.visitkorea.or.kr/cht/SI/SI_CH_2_1_1_1.jsp?cid=332463)
沒有留言:
張貼留言