【週末郊遊4】獅子山下大草地

Link to 梨子總目錄

本地遊記：	外地遊記：	小學路：	隨筆集：
【小兒科行山入門7】心經簡林與消失的昂平茶園 【週末小旅行7】清新地2日1夜歸田園之旅 【週末小旅行6】愉景灣2日1夜海天一色之旅 【小兒科行山入門6】河背水塘家樂徑 【週末小旅行5】沙田秋望2日1夜懷舊之旅 【週末小旅行4】黃金海岸2日1夜親子之旅 【週末郊遊8】T-Park [源·區]導賞遊 【週末小旅行3】澳門3日2夜自駕之旅	【西九州自駕遊】福岡、天草、阿蘇八日七夜盛夏之旅 (下) 【台灣西岸自駕遊】高雄至桃園7日7夜 (上) 【峴港自由行】4日3夜老吾老之旅 【曼谷自由行】3日2夜老夫老妻之旅 【不一樣的遊記1】加拿大東岸追憶之旅：滿地可篇 【東京近郊自駕遊】6日5夜河口湖、箱根親親富士山之旅 (上) 【沖繩自駕遊】7日6夜大滿足之旅 (下) 【名古屋自駕遊】愛知、岐阜、三重9日8夜仲夏之旅 (下)	【小學路之八】學海無涯 【小學路之七】最後的淨土 【小學路之六】世事無常 【小學路之五】因為平凡 所以很美 【小學路之四】二年級男孩:從Big Boy到Young Man 【小學路之三】愛的教育 【小一面試賽後感】催化剷之下犬媽急流言退	釋懷 病榻隨想：《我老婆日日都扮死》觀後感 消失中的詩韻 【四十歲人學單車記】Never too late！ 今天想吃咖哩飯... 消失中的味道 告別野村，重新上路
[More…]	[More…]	[More…]	[More…]

 (2016.10) 秋高氣爽，星期日想揾個地方野餐，當然係有大草地就最理想。以前試過佐敦谷公園、迪士尼酒店、迪欣湖，但要泊車都唔容易。今日決定上去有城市綠洲之稱嘅「樂富配水庫」。

我本來誤會咗依度叫「石硤尾配水庫」，直到後來上網揾吓資料先發現原來配水庫有好多個，而且幾乎都有大草地。而我哋去咗嘅「樂富配水庫」就真係比較平易近人，可以行斜路上唔洗行長樓梯。

話明野餐，當然係要食嘢啦，所以當日一早我已經準備好一大堆食物、蔬果之類。本來想帶三文治，但今朝食咗三文治做早餐，好儍呀！

然後，老公居然忽發奇想，話買燒肉！Picnic食燒肉，真係幾新奇，但更奇嘅係，佢講完之後，我同另一位靚媽老友開始好想食燒肉！最後，我哋喺樂富廣場嘅太興成功買到燒肉！

樂富配水庫休憩公園嘅入口喺聯合道，有幾部車就停正喺門口。其實泊依度係唔得㗎，有機會阻住去水庫嘅工程車，對面商場停車場出口行三分鐘唔洗，所以唔好懶啦！另外，如果坐地鐵亦可喺樂富站出行十分鐘左右。

進入公園後，沿住左邊嘅斜路上山。

今日三位小朋友好友愛喎！

再向前行，小昆蟲專家又有發現？

五分鐘唔洗，就會見到依個分叉位，有牌寫住「樂富海水配水庫」，揀左路。

快啦！快啦！仲有兩分鐘路程……

見到草地，推門入就係喇！

靚媽老友居然喺依個位置都遇見朋友，真係相識滿天下！原來，依個大草地係「飛碟會」嘅玩樂場地。

入到草地，比我想像中多人，但仍然有好多位置野餐。

放好帳篷同食物，影張相先。仲有主角: Picnic燒肉！

再嚟一張食物大合照！(Sorry…燒肉太受歡迎已經冇咗一半！)

小朋友們食兩食就走去玩喇！

而爸爸例牌想放風箏，不過可惜今日冇乜風。

後來，又變咗踢波喇！

可愛佬佬最鐘意扮蜘蛛。

獅子山下綠油油嘅大草地，難得嘅免費享受，感覺真係好！

差不多黃昏，我哋開始收拾細軟離開。

山頂草地行落一分鐘左右就有洗手間，好方便。

今次嘅配水庫之行後，我發現原來市區都好多配水庫有大草地，例如人稱「嘉頓山」嘅石硤尾二號配水庫，但要留意唔係個個都開放比公眾㗎！