【週末郊遊5】慢活南生圍

Link to 梨子總目錄

本地遊記：	外地遊記：	小學路：	隨筆集：
【小兒科行山入門7】心經簡林與消失的昂平茶園 【週末小旅行7】清新地2日1夜歸田園之旅 【週末小旅行6】愉景灣2日1夜海天一色之旅 【小兒科行山入門6】河背水塘家樂徑 【週末小旅行5】沙田秋望2日1夜懷舊之旅 【週末小旅行4】黃金海岸2日1夜親子之旅 【週末郊遊8】T-Park [源·區]導賞遊 【週末小旅行3】澳門3日2夜自駕之旅	【西九州自駕遊】福岡、天草、阿蘇八日七夜盛夏之旅 (下) 【台灣西岸自駕遊】高雄至桃園7日7夜 (上) 【峴港自由行】4日3夜老吾老之旅 【曼谷自由行】3日2夜老夫老妻之旅 【不一樣的遊記1】加拿大東岸追憶之旅：滿地可篇 【東京近郊自駕遊】6日5夜河口湖、箱根親親富士山之旅 (上) 【沖繩自駕遊】7日6夜大滿足之旅 (下) 【名古屋自駕遊】愛知、岐阜、三重9日8夜仲夏之旅 (下)	【小學路之八】學海無涯 【小學路之七】最後的淨土 【小學路之六】世事無常 【小學路之五】因為平凡 所以很美 【小學路之四】二年級男孩:從Big Boy到Young Man 【小學路之三】愛的教育 【小一面試賽後感】催化剷之下犬媽急流言退	釋懷 病榻隨想：《我老婆日日都扮死》觀後感 消失中的詩韻 【四十歲人學單車記】Never too late！ 今天想吃咖哩飯... 消失中的味道 告別野村，重新上路
[More…]	[More…]	[More…]	[More…]

(2016.12) 又同婆婆outing吓，因為上次去長洲佢有少少暈船浪，所以今次決定留返喺陸地。然後舅父就話：「不如南生圍啦！」太好了！自從好多年前小鱷魚貝貝嘅出現，我一直都想去南生圍。而且最近有消息話有地產商向政府申請改變土地用途，想喺南生圍建Outlet。依個消息太嚇人了！要把握機會去吓依個著名嘅城市綠洲。

 

今日行嘅係綠色路線，去到大草地再原路折返，全程約一個鐘。(地圖來源:http://blog.terewong.com/archives/16494 )

是日週六，我哋午飯後兩點幾先出發，去到山貝河村附近。

向前行經過啲村屋，手寫指示牌都幾多幾清晣。

行五分鐘左右就會到依個橫水渡，都幾多人，要排隊。聽聞依度已經係全港僅有嘅橫水渡。

但其實條隊去得好快嘅... 話咁快就到我哋喇！

過咗河，有塊小木板，小朋友梗要玩一餐啦！

再沿住條路去，好快就到沼澤地嘅旁邊，景色優美。

南生圍比人嘅感覺好原始，沿路好多大樹。

好似走咗入張畫入面。

前面有人排隊，原來係為咗影依個打卡靚位！其實，旁邊已經有牌寫住叫人唔好行出木橋。如果真係喜歡南生圍，應該唔好再為咗影相而為依幾塊木板加大壓力......

冇人入鏡，其實仲靚啦！

靚景處處...... 因為好原始，冇特定嘅園林怖局，蘆葦叢既淩亂又優美。前面嘅小屋，據說係拍電影「導火線」嘅場景。

再沿路行，見到一排老樹，以為有人坐喺度野餐，睇真啲原來係寫生。

再行前啲，居然見到TVB拍緊劇，仲有靚仔黃浩然添！

終於到咗大草地喇！

爸爸又攞隻風箏出嚟放！不過今日無乜風......

小朋友玩咗一陣，又沿路返轉頭啦，大家影吓合照先！

返橫水渡前，我哋停咗喺成記食碗豆腐花，好滑溜！👍

今日嘅南生圍之旅完滿結束，但原來再睇睇地圖，另一邊仲有荷花池同敬輝農場。下次再搵吓啦！